கலாவெவ ஜும்ஆப் பள்ளி மையவாடியைச் சுற்றி மதில் கட்டும் வேலைத்திட்டத்தின் இரண்டாம் கட்டம் 2015. 03. 10ம் திகதி ஆரம்பிக்கப்பட்டு இன்று (2015.06.15) முடிவுறும் தருவாயிற்கு வந்துள்ளது. அல்ஹம்துலில்லாஹ். இவ்வேலைத்திட்டத்தின் கீழ் மொத்தம் 625 அடி நீளமான மதில் கட்டப்பட்டுள்ளதுடன் கான் மற்றும் பாலம் என்பனவும் போடப்பட்டுள்ளமையும் குறிப்பிடத்தக்கது. இவ்வேலைத்திட்டத்திற்கான வரவு - செலவுகள் இன்ஸா அல்லாஹ் இன்னும் சில தினங்களில் அறிவிக்கப்படும் என்பதையும் பள்ளிவாயிலின் முன் பகுதிக்கான கான், மதில் மற்றும் புதிய நுழைவாயில் தொடர்பான வேலைத்திட்டங்களையும் ஆரம்பிப்பதற்கான முன்னேற்பாடுகளும் செய்யப்படுகின்றன என்பதனையும் மகிழ்ச்சியுடன் அறியத்தருகின்றோம். இக்குறித்த வேலைத்திட்டத்தின் வெற்றிக்காக பல வகைகளிலும் உதவிகளைப் புரிந்த அனைவருக்கும் அல்லாஹ் இம்மையிலும், மறுமையிலும் நல்வாழ்வைத்தரல் வேண்டும் என்று துஆச் செய்வதுடன் நன்றிகளையும் தெரிவித்துக் கொள்கின்றோம்.
